یەکێگ لە بەناوبانگترین پزیشکەێل دگان جهان سەردان شۊینەوارەیل عراق کەێد
شەفەق نیوز/ وشکنەر و شۊینەوار پارێزگای زیقار، ئمڕوو دوشەممە، راگەیان یەکێگ لە ناسریاگترین دگانسازەیل جەهان لە کشوەر ئەمریکای باشوور لە شۊینەوار شار ئوور پیشوازی لەلی کریا.
وەرێوەبەر وشکێنەرەگە عامر عەبدولرەزاق ئەرا ئاژانس شەفەق نیوز وت: " پزشک دگان بەرازیلیێگ (فيليبي بيزيرا) و هاوسەرەگەی سەردان شۊینەوار شار ئوور کردن باشوور خوەرئاوای شار ناسریە قوڵتیسەی پارێزگاگە" وتیش، "پزشگە بەرازیلیەگە یەکێگە لە 10 پزشکەێل وەناوەبانگ لە جەهان لە بوارەگەی خوەی".
باسکرد، " پزیشکە بەرازیلیگە خوەشحالی گەپێگ خوی نیشاندا ئەرا سەردان کردنەگەی کۊینەترین شار لە مێژوو وتیش، ئیسە خەوەگەی هاتیە وەجی وە سەردان کردن ئی شۊینە". عەبدولرەزاق وتیش؛ " وەرێوەبەرایەتیەگەمان گشت رێکارەێل ئاسانکاریەێل گردنەوەر ئەرا گەردینی لە ناو شار وە یارمەتی رینیشاندەر گەشتوگوزاری".
دیاری کرد، " پزیشکە بەرازیلیگە 3 رووژ لە پارێزگاگە میند دۊیایی گەشت ئەرا بەغدا و بابل و نەجەف و کەربەلا کەێد، وەگورەی خەوەرەێل رێنیشاندەرێل گەشتوگوزار".
