لە بەغداد... هێزەیل ئەمنی بازرگانیگ مادەی هووشبەر کوشن وسێ کەسیش زەخمداربوود ئەفسەریگیش هاناویان
2023-10-10T08:04:08+00:00
شەفەق نیوز/ وەزارەت ناوخوەی عراق، ئمڕوو سێشەممە، خەوەردا هێزەیل ئەمنی توەنستنە بازرگانیگ مادەی هووشبەر بکوشن دویای ئەوەگ وەلایەن هەردگ لا تەقە کریاگە لە بەغدای پایتەخت.
عەمید موقداد میری قسەکەر وەزارەتەگە ئمڕوو لە بەیاننامەیگ وت، هێزیگ وە فەرماندەیی لیوای 19 تیپ پەنجەم پۆلیس فیدراڵی و وە هاوبەشی وەگەرد تەقەلاگان هەواڵگێری و مەفرەزەیل پۆلیس مەنسوور توەنستنە بازرگانیگ مادەی هووشبەر بکوشن هەنای تەقەلای وایین دایە لە نزیک پیەڵ موسەنا لە بەغدا.
ئاشکەرایکرد، ئەو کەسە تەقەکردیە بویەسە هووکار زەخمداری ئەفسەریگ و کۆمیساریگ و هاوڵاتییگ، وەو مدووە هێزەیل هەڵسیانە وە ئەرک خوەیان و تەقە لەلی کردنە و زەخمداری کەن هەنای ئەرا خەسخانە و لەورا گیان لەدەس دەێد.
وەپای قسەکەرەگە، دەسنریاس وەبان چەکیگ لە جویر دەوانچەی HS، دیاریکرد دۆسیەگە وەشیوەی یاسایی ئەرا لایەنەیل تایبەت کلکریەێد تا رێکارەیل یاساییەگانی تەواوبکریەێد.
