لە بەغداد.. دەسگیرکردن بکوش کوڕ وەڕیەوبەر پولیس سلێمان بەگ

سەرچەوەگە ئەرا ئاژانس شەفەق نیوز وت: هیزیگ ئەمنی لە بەغداد پایتەخت، ئەو کەسە دەسگیر کرد کە وەرجە چەن رووژیگ کوڕ وەڕیەوبەر پولیس ناحیەی سلێمان بەگ لە ناوچەی 55 لە کەرکوک کوشتیە.

 دیاری کرد کە وەڕیەوبەرایەتی هەواڵگری کەرکوک دویای گردەوکردن زانیاریەیل کەفتە شوین بکوشەگە و رەسێو شوینەگەی لە بەغداد، وتیش: ئەوەسا دریەێدە دەس لایەنەیل پەیوەندیدار.

 سەرچەوەگە دیاری کرد کە بکوشەگە دویای جیوەجیکردن تاوانەگە چگە ئەرا پارێزگای دیالە ئیجا ئەرا بەغداد پایتەخت، کە وەگەرد هەماهەنگی وەرد دەزگایل ئەمنی دەسگیر کریا و ئاشکرای تاوان خوەی کرد.