لە بەسرەی ئاڵوز هەڵمەتیگ سەربازی: هەر ماڵیگ یەک چەک سووک
2020-09-05T08:56:06+00:00
شەفەق نیوز/ ئەکرەم سەدام فەرماندەی ئۆراسیۆنەگان بەسرە راگەیان دەسکردن وەهەڵمەتیگ سەربازی ئەرا گیرهاوردن چەک وەدەس دەوڵەت، لە ناوچە باشووریە نەفتیەگە ک ئاڵوزییگ لە سیمای ئەمنی وەخوەی دوینێد.
سەدام وت: لە پارێزگا باشووریەگە قەیەغەی هاتووچگن وەگەرد هەڵمەتەگە نیەوود، بەڵکم نیمچە برینیگ لەخاڵەگان بوود هەنای ناوچەگان وەشکیەن.
ودووپاتکرد ک هێزە ئەمنیەگان رازی نیەونن لە یەک چەک سووک زیاتر لەماڵەگان بوود، لەی هەڵمەتە ک ٥ رووژ وەپی چوود، ئیجا کۆنگرەیگ بەسیەێد ئەرا هەڵسەنگاندن ئەنجامەیل هەڵمەتەگە.
لەلای خوییش شانەی راگەیانن ئەمنی دووپاتکرد ک ئۆپراسیۆنەگە لە ساعەت پەنج شەفەق ئمڕوو دەسکردەپی.
لەبەیاننامەیگ وتیش؛ ئۆپراسیۆنەگە لەری فەرماندەی ئۆپراسیۆنەگان بەسرە وەڕیەوچوود وە جیوەجیکردن وەشکین فراوانیگ کەرتەیل سوپا و لیوای پیادەی دەریایی وپاسەوان سنور وپۆلیس فریاکەفتن هاوبەشی بوین.
