كوشتار خیزانیگ لەوەر داریگ خورما

شەفەق نیوز/ لە تاوانیگ کۆمەڵگای عراقی لەرزان، گەنجیگ لەور مرافەیگ لەبان دار خورما هەیشت کەس لە خیزانیگ کوشت و زەخمدار کرد.

لە پارێزگای بابل، مرافەیگ لەبان بەشەوکردن پارچە زەوییگ، بویە مرافەیگ لەبان دار خورمای بیبەریگ، و رەسیە کوشتار گەورەیگ.

یەکیگ لە برایلە خوازێ ئی دارە بکەفێدە بەش خوەی، باوجی بویە مرافەیگ ئەو برایلە ک رازی وەوە نەوین.

سەرچەوەیگ ئەرا ئاژانس شەفەق نیوز وت: یەکیگ لە برایلە چەک هاورد و دەسکردە تەقەکردن هەڕەمەکی، و دووان لە برایلەی خوەی و برازای کوشت، و ژنیگیش لەوەر زەخمەیلی دویای ئەوە گیانی لەدەسدا.

وتیش؛ چوار لە ژن و پاوەیل لەو تەقەکردنە زەخمدار بوین، و بریانە خەسەخانە.

وەگورەی ئەو سەرچاوە ک نێخوازێد ناو خوەی ئاشکرا بکەێد، وت: هێزیگ ئەمنی رەسیە شوین رووداوەگە و تاوانبارەگە دەسگیر کرد.