كه‌ربه‌لا ئاهه‌نگ قاره‌مانێتى خوه‌رئاواى ئاسيا ساز كرد و مالكى داواى په‌يجورى ئه‌كا
شه‌فه‌ق نيوز/ حكومه‌ت ناوچه‌يى كه‌ربه‌لا, ئاشكراى تۆماركردن بڕيگ له بڕگه‌يل وازكردن قاره‌مانێتى خوه‌رئاواى ئاسيا ئه‌كا ك له‌وازيگاى ناوده‌وڵه‌تى پاريزگاگه ئه‌نجام ئه‌گرێد, ئه‌ويش له‌ئاماژه‌يگ ئه‌را ئاهه‌نگ مۆسيقا.
لاى خوه‌يه‌و, نورى مالكى ئه‌ميندار گشتى حزب ده‌عوه‌ى ئسلامى له به‌ياننامه‌يگ وت: وه تونى ئدانه‌ى ئه‌و كاره ئه‌كه‌يم ك دويه‌كه روێدا له وازيگاى پاريزگاى كه‌ربه‌لاى پيرووز له‌وه‌خت وازكردن قاره‌مانێتى خوه‌رئاواى ئاسيا ك له‌تى ئاهه‌نگ مۆسيقا سه‌ماكارێ ئه‌نجام درياو يه‌يش ته‌جاوزيگه له‌بان حورمه‌ت شاره‌گه‌و ده‌سدريژيه له‌بان پيرووزى شار ئيمام حسێن سڵام خوداد له‌لى.
جى باسه، مالكى داوايش له حكومه‌ت كرد په‌يجورى هه‌ڵه‌په‌ڵه‌يگ واز بكا ئرا پرس وپرسكارى وه‌ل دريغيكه‌ره‌يل و ئه‌وانه‌گ ده‌س له‌و كاره ديرن، چ حكومه‌ت ناوچه‌يى يا وه‌زاره‌ت لاوان و وه‌رزش يا يه‌كێتى عراقى ئه‌را تووپ پا، له‌وه‌ر ئه‌وه‌گ جاريگتر ئه‌و كاره‌يله دوباره‌وه نه‌كريه‌ن.
