كاروانيگ ئه‌مريكى له مه‌رزه‌يل عراقييه‌و روێ له سوريا كرد
2019-12-28T08:43:26+00:00
شه‌فه‌ق نيوز/ كاروانيگ سه‌ربازى سه‌ر وه سوپاى ئه‌مريكى ك پيكهاتگه له ده‌يان شاحنه‌ى باردرياێ وه كه‌ره‌سته‌يل سه‌ربازى و لۆجستى، له مه‌رزه‌يل عراقيه‌و روێ له پاريزگاى حه‌سه‌كه له سوريا كردگه.
له‌ى باوه‌ته‌و، ئاژانس سپوتينگ وت: ئه‌و كاروان سه‌ربازيه 30 شانه‌ى باردرياێ وه كه‌ره‌سه‌يل سه‌ربازى و زه‌خيره‌و سه‌ياره‌يل و كه‌ره‌سه‌يل تر له‌خوه‌ى گرتگه.
جى باسه، ئاژانسه‌گه يه‌يش ده‌رخست ك ئه‌و ئالياته‌يله له ده‌روازه‌ى وه‌ليد مه‌رزێ وه‌ل هه‌رێم كوردستان عراق له شه‌و په‌نجشه‌ممه له‌بان جومعه روێ له سوريا كردگه‌و له بنگه‌يگ سه‌ربازى ئه‌مريكى له ناوچه‌ى ته‌ل به‌يده‌ر(قه‌سرك)له باكوور شار حه‌سه‌كه جيگير بويه.
