كەرکوک.. دەسگیرکردن ٦ تیرۆرست خوەیکوشیگ هاناویان
شەفەق نیوز/ شانەی راگەیانن ئەمنی، ئمڕوو دووشەممە، راگەیان دەسگیرکردن ٦ داواکریاگ وە باوەتەیل تیرۆر یەک خوەیکوش هاناویان.
شانەگە لە بەیاننامەیگ رەسیە ئاژانس شەفەق نیوز وت: لە بنەمای زانیاریەیلیگ هەواڵگری دەربارەی چەتەیل داعش تیرۆرست و لەناوبردن شانەیل خەفتگی لە کەرت وەرپرسایەتی، مەفرەزیل هەواڵگری و لێکۆڵینەوەیل فیدڕاڵی توێنستن ٦ کەس داواکریاگ وەگورەی مادەی ٤ تیرۆر دەسگیرکردن بکەن، لەناویان ٤ داواکریاگە ئەرا وەڕێۆبەرایەتی هەواڵگری و دژە تیرۆر کەرکوک.
وتیش؛ لەبنەمای قسەیل ئاشکراکردن توومەتبارەیل ک خوەیان لە رز چەتەیل داعش تیرۆرست جەنگ کردنە، و پاڵپشتی لۆجستی لە خوەراک و چشتەیلیگ تر ئەرایان دابین کردنە.
بەیاننامەگە دیاری کرد ک دویای قویلەوکردن لێکۆڵینەوەگە دەرکەفت ک توومەتبارەیلە ئەرا وەڕێۆبەرایەتی هەواڵگری و دژە تیرۆر نەینەوا و سەڵاحەدین داوا کریانە،و یەکیگیان لەناو خوەیکشەیل ناوی هاتگە، و دیاری کرد ک ریکارە یاساییەکان وەگورەی یاسا وەگەردیان جیوەجی کریان.
