قورتارکردن خیزانیگ لە ئاگر ناو ماڵیگ وە مدوو تەقەلای خوەیکوشی لە بەغدای پایتەخت
شەفەق نیوز ـ بەغدا
سەرچەوەیگ ئەمنی لە بەغدا، ئمڕوو پەنجشەممە، خەوەردا لە زەخمداری ژن و پیایگ و کوڕەگەیان وە زەخمداری سەختیگ وە مدوو تەقەلای خوەیکوشتن پیاگە وە ئاگر، وەڕێوەبەرایەتیەتی شارستانی توەنست ئاگرەگە کپەوبکەێد و قورتاریان بکەێد.
سەرچەوەگە وە ئاژانس شەفەق نیوز وت، پیایگ تەقەلای خوەیکوشتن دایە لەری وەکارهاوردن مادەی نەفت لەناو ماڵ خوەیان لە ناوچەی ئەعزەمیەی ناوڕاس بەغدا وە مدوو فیشار دەروینی، لە ئەنجام خوەی و ژن و کوڕەگەی کە هەفت ساڵە زەخمداربوین وە زەخمەیل جیاواز و رخدار.
دیاریکرد، زەخمدارەیل ئەرا چارەسەرکردن کلکریانە خەستەخانە و رەخداری رەدنەکردنە.
وەڕێوەبەرایەتی وەرگیری شارستانی لە بەیاننامەیگ رەسیە ئاژانس شەفەق نیوز راگەیان، تیمەگەی سەرکەفتی بوین لە کنترۆلکردن ئاگریگ کە لەناو ماڵیگ نیشتەجیبوین لە نزیک مەزار ئیما ئەبی حەنیفە نوعمان لە ناوچەیئەعزەمیە رویدا، ئاگرەگە وە تەواوی کپەوکریا.
وتیش؛ لە ئەنجام رویداوەگە سێ زەخمداری توومارکریا کە دانشتگ یەک ماڵن، دەسوەجی ئەرا نزیکترین خەستەخانە کلکریا ئەرا وەرگردن چارەسەر هەوەجەکریاگ.
