قوربانی و زەخمدارەی وە دوو پەلامار داعش لە دیالە
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کەفتن قوربانی و زەخمداری وە دوو پەلامار جیاجیا لەلایەن داعش لە دیالە.
سەرچەوەگە ئەرا ئاژانس شەفەق نیوز وت: ئەندامەیل داعش وە چەک قەناس پەلامار خاڵیگ ئەمنی سەروە سوپا فەوکگج سێیەم سریەی یەکەم لە ئاوای عالی لە باکوور قەزای موقدادیە دان.
سەرچەوەگە دیاری کرد ک پەلامارەگە بویە هووکار کەفتن ٣ قوربانی لە سوپا و زەخمداری سەخت یەکیگ تر.
وتیش: رەسین پاڵپشتی سەربازی ناچار داعشەیل وە واین کرد.
لە رووداویگ تر، یەکیگ لە حەشد شەعبی فەوج چوارەم لیوای ندا دیالە کوشیا و سێیان تر زەخمدار بوین، ئەوەیش وە تەقین بومبیگ دانریاگ لەبان کاروانیان لە دەورگرد بیرەت حمرین.
وتیش؛ هێزیگ لە حەشد شەعبی رەسیە شوین رووداوەگە و تەرم قوربانیەگە و زەخمدارەیلە وەرەو خەسەخانە رەسان، و دەسکردە هەڵمەت مینەکردن ووشوین ئەندامەیل داعش.
