قه‌يران نوێنه‌رايه‌تى دڵنيايى دا عراقيه‌يل وهووكار زيايبوين تويشبوين وه كۆرۆنا ده‌رخست
شه‌فه‌ق نيوز/ ليژنه‌ى قه‌يران نوێنه‌رايه‌تى يه‌كيگ له هووكاره‌يل به‌رزه‌وبوين حاڵه‌ته‌يل تويشبوين وه ڤايرۆس كۆرۆنا له عراق له ماوه‌ى رووژه‌يل گوزه‌يشت كه‌ميگ برده‌و ئه‌را فراوانبوين هه‌وڵه‌يل چه‌وديرى په‌تايى و له‌هه‌مان وه‌خت دڵنياييش دا وه هاووڵاتيه‌يل ك تواناى ئه‌وه هه‌س په‌تاگه كۆنترۆڵ بكريه‌ێد.
له‌ى باوه‌ته‌و، حه‌سه‌ن خه‌ڵاتى ئه‌ندام ليژنه‌گه ئه‌را ئاژانس شه‌فه‌ق نيوز وت: به‌رزه‌وبوين فريه له شماره‌ى تويشبوين وه كۆرۆنا له‌وه‌ر فراوابوين هه‌وڵه‌يله ئه‌را چه‌وديرى په‌تايى و زيايبوين شمارى وشكاننه‌يل له ئاماره‌يل مه‌يدانى ك شماره‌ى زياى كردگه وه به‌راورد وه رووژه‌يل تر وه‌رين.
خه‌ڵاتى هه‌ميش وت: عراق زاڵه له‌بان تويشبوين وه ڤايرۆس كۆرۆنا و هه‌وه‌جه وه ميكانيزم تازه‌يگ ديرێد ئه‌را مامڵه‌كردن وه حاڵه‌ته‌يل تويشهاتن و ناسانن و ريككه‌فتنه‌يل تازه له فراوانكردن چه‌وديرى و ئامار په‌تايى.
