قەیران ئاو دەێد لە ٢٠٠ هەزار کەس لە سەڵاحەدین
پەیامنێر ئاژانس شەفەق نیوز وت: قەیران ئاو ناحیەی زڵوعیە و دەورگرد سامەڕا و قەزای وعتەسەم و نەهرین گردیە، یەیش هیلێد خەڵکەگە پشت وە سەنین ئاو لە تانکی بارهەڵگرەیل بوەسن، لەوەختیگ دانیشتگەیل لە یەکەیل کە وەمدوو قەیران ئاوەو زیان لەلیان کەفتیە زیاتر لە ٢٠٠ هەزار کەس رەد کەن.
لەلای خوەییش، وەڕیەوبەر سەرچەوە ئاوییەیل سەڵاحەدین، بەسام عەبدولواحد، ئەرا ئاژانس شەفەق نیوز وت: "تاقەبەش ئاو ئەو یەکەیل ئیداریە لەلایەن وەزارەت سەرچەوەیل ئاو وە پەیمانەی ئاوڕەشەکەر لە چەم (رەساسی) کە ئاو دەێدە ئەو یەکەیل ئیداریە دیاری کرد، واتە وە ئازادکردن ئاو وە یەکەو لە ناوچەیەگ ئەرا ناوچەیەگ تر، هوکاریگ ترەکە ئەرا کەمی ئاو نووشین.
هوکار قەیران ئاو نووشین ئەرا " ئەو ویستگەیل پاڵاوی ئاوە ناسان کە هاتە ناو جووەیل چەم رەساسی، کە یەیش هیلێد ئاو وە سەختی بڕەسێد، لەوەر ئەو زوورە لەنوای چەمەگە کە وەشیوەیلیگ جویراجویر وەکار هاتنە".
عەبدولواحد وتیش؛ "چەم رەساسی وەپەی سیستم ئاوڕەشەکەر تا ماوەی 6 رووژ ئاو دەێدە سامەرا و ناحیەی ئموعتەسەم، لە وەختیگ لە ئەو ماوەی 6 رووژەگە ئاو دەێدە ناحیەی زڵوعیە و قەزای نەهرەین و هتد".
عەبدولواحید داوا لە وەڕێوەبەرایەتی ئاو کرد "ویستگەی پاڵاو ئاو لەبان چەم سەرەکی رەساسی دانەێد ئەرا چارەسەرکردن قەیران ئاو نووشین و گیچەڵ کەم ئاوی".
