فراكسيۆن پارتى داواى هه‌ڵويست له ساڵح ئه‌كا وه‌رانوه‌ر شكانن ده‌ستوور و سووكايه‌تى وه ئاڵاى كوردستان
شه‌فه‌ق نيوز/ فراكسيۆن پارت ديموكرات كوردستان له ئه‌نجومه‌ن نوێنه‌ره‌يل عراقى، ئاشكراى هه‌ڵوێست كرد وه‌رانوه‌ر ره‌فتار ئه‌فسه‌ريگ عراقى ك سووكايه‌تى وه ئاڵاى هه‌رێم كوردستان كردگه‌و ئاماژه وه‌يه‌يش كرد وه‌هويچ شيوه‌يگ قه‌بول ناكريه‌ێد سووكايه‌تى و بى ريزى وه ئاڵاى كوردستان بكريه‌ێد.
فراكسيۆنه‌گه له به‌ياننامه‌يگ ئه‌را شه‌فه‌ق نيوز وت: ئى ره‌فتاره مايه‌ى داخه له‌ى وه‌خت و شوونه ك چه‌ند قه‌وريگ وه‌جه‌م له‌تى دوينرياسه‌وه‌و ئه‌فسه‌ريگ وه پله‌ى مولازم سووكايه‌تى وه ئاڵاى كوردستان كرد و داوا له هاووڵاتييگ كرد ئه‌ڵاگه‌ى كوردستان له ملى لاوه‌ێد, چوينكه قه‌يه‌غه‌س.
به‌ياننامه‌گه وت: فراسكيۆنه‌گه جه‌خت له‌وه ئه‌كا قه‌بول ناكريه‌ێد سووكايه‌تى و بى ريزى وه‌رانوه‌ر ئاڵاى كوردستان بكريه‌ێد و داوايش له به‌رهه‌م ساڵح سه‌رۆك كۆمار كرد جوور مقه‌يه‌تيكه‌ر ده‌ستوور هه‌ڵويست بيه‌ێد له‌و باوه‌ته‌و وه ئه‌وه‌گ ئه‌و سووكايه‌تيه له‌وه‌رده‌م راوێژكاره‌يلێ روێ داگه‌و داوايش له نوێنه‌ره‌يل كورد له ئه‌نجومه‌ن نوێنه‌ره‌يل عراق كرد هه‌ڵه‌په‌ڵه بكه‌ن له داواكردن ته‌وزيحداين له وه‌زير ناوخوه‌يى له‌باره‌ى ئه‌و مه‌سه‌له، يه‌يش له‌وه‌ختيگ موسه‌نا ئه‌مين ئه‌ندام له‌بان يه‌كێتى ئسلامى كوردستان له ئه‌نجومه‌ن نوێنه‌ره‌يل له‌وه‌خت هه‌ڵه‌وداين قه‌وره‌يل وه‌جه‌م له شار سه‌ماوه داوا له بڕياره‌ده‌ره‌يل عراقى كرد ياسايگ دابنه‌ن ئه‌را نه‌هيشتن خوسه‌وكينه‌ت و تون و تيژى و بيلايه‌نى.
جى باسه، ئه‌فسه‌ريگ له پۆليس پارێزگاى موسه‌نا نواگيرى له به‌رزه‌وكردن ئاڵاى هه‌رێم كوردستان له‌لايه‌ن يه‌كيگ له كه‌سوكاره‌ى قوربانيه‌يل ئه‌نفال كرد له‌وه‌خت هه‌ڵدانه‌وه‌ى قه‌وره‌يل وه‌جه‌م له بياوان سه‌ماوه جوور ئه‌وه‌گ ماڵپه‌ڕه‌يل په‌يوه‌ندى كۆمه‌ڵايه‌تى باس له‌لى كردن.
