فرۆکەیگ عراقی لە بەیروتەو رەسیە فرۆکەخانەی بەسرە کە 234 سەرنیشن گیرکردگەیل هەڵگردوێد

شەفەق نیوز/ فرۆکەیگ سەر وە کڕ ئاسمانی عراقی، ئمڕوو سێشەممە،  لە بەیروتەو رەسیە فرۆکەخانەی بەسرە کە 234 گەشتیار گیرکردگ لە لوبنان هەڵگردوێد.

سەرچەوەیگ لە وەزارەت گواستنەوە وەئاژانس شەفەق نیوز وت، "گەشتەگە یەکەمین جویر لەی جویرەبوی لە دویای رێککەفتن وەرد لایەن لوبنانی لەبان ئاسانکاری ئەرا دەرچگن ئەو عراقیەیلە ەورا گیرکردنە".

لە شەوەکی ئمڕوو سێشەممە، دەزگا راگەیاننەیل لوبنان ئاشکراکردن یەکەمین فرۆکەی سەر وە کڕ ئاسمانی عراقی لە فرۆکەخانەی بەسرەو ئەرا لوبنان هاتیە، لە چوارچمگ رێککەفتن ناوەین وەڕێوەبەرایەت گشتی فرۆکەوانی  شارستانی لە لوبنان و کۆمپانیای عراقی.

دەسکریا وە گەشتەیل گواستنەوەی لوبنانیەیل لە عراق و عراقیەیل لە لوبنان، وەشیوەی وەختانە رووژانە دوو گەشت ئەنجام درێد، تا وازبوین فرۆکەخانەیل عراق لە بەغداد و نەجەف.