کەفتن قوربانیەیل وە مەرافە و خنکیان و تلیان و وەردەوەردە وەگەرد خوەینیشاندەرەیل لە رۊداوەیل جیاجیا لە عراق

شەفەق نیوز / میسان/ نەجەف/ واسیت/ ئەنبار/ موسەننا

چەن پارێزگایگ عراقی، ئمڕوو یەکشەممە، زنجیرەیگ رۊداو ئەمنی و مەیدانی جیاجیا وەخوەیان دین، کە بۊنە مدوو کوشیان کەسیگ و زەخمداری  و بیسەروشوینیگ وەگەرد وەردەوەردە لە ناوەین خوەینیشاندەرەیل و هیزەیل ئەمنی.

سەرچەوەیگ ئەمنی ئەرا ئاژانس شەفەق نیوز خەوەر دا، لە  قومیان مەرافەیگ هوزانەی سەختیگ لە ئاوای "تەبەر" ناوڕاس شار عمارە، ناوەند پارێزگای میسان، کە چوودەو  تووڵەیگ وەرین، کە بۊە مدوو کوشیان کەسیگ.

 لە نەجەف، پولیس فریاکەفتن دەسگیر دوو کەس کرد کە بۊنە مدوو رۊداو تلیان ژنیگ لە جادەی زانکۆی "کەفیل" و واینە، کە ژنە زەخمدارەگە ئەرا خەسەخانەی ئەڵمانی بریا، لە وەختیگ هەردوگ توومەتبارەگە دریانە دەس بنکەی پولیس ئەمیرات ئەرا جیوەجیکردن رێکارە یاساییەیل.

 ئەرا واسیت، تیمەیل پزیشکی لە خەسەخانەی "شەهید دکتۆر فەیروز" سەرکەفتن لە هاناچگن گەنجیگ کە تۊش زەخمدارییگ سەخت هاتۊد وە ئامرازیگ تیژ کە بۊیە مدوو بڕیان لە دەمار و ژێەیل، کە کۆنترۆڵ ئەو خۊنوەربۊن سەختە کریا و قەرەبوو کریا وە خۊن و شلەیل تا ئارامگردن رەوش تەندروسیی.

وەلی لە ئەنبار، تیمەیل ژیرئاوی سەر وە پولیس چەمی لە قەزای قائیم وەردەوامن لە پرۆسەیل مینەکردن لە دۊای گەنجیگ تەمەن 18 ساڵان، کە لە چەم فورات لە وەخت مەلەوانیکردن خنکیا، دۊای هاتنی لە شار فەلوجە ئەرا ئامادەبۊن لە ئاهەنگ سۊر خوەشکی.

 لە ناڕەزایەتییەیل لە موسەننا، سەرچەوەیل مەیدانی خەوەردان لە رۊداین وەردەوەردەیگ لە ناوەین خوەینیشاندەرەیل و دەزگایەیل ئەمنی لەماوەی خوەینیشاندانیگ کە لە ناوچەی ئاسەوارەیل لەناو قەزای وەرکا دەرچگ، ئەرا داواکردن وە خاسەوکردن خزمەتگوزارییە بنەڕەتییەیل، و لە نوایان ئاو و کارەبا.