کەفتن دوو موشەک لە نزیک سەربازگەی حەشد شەعبی لە خوەرهەڵات دیالە
2022-07-08T08:52:02+00:00
شەفەق نیوز/ سەرچەوەیگ ئەمنی لە دیالە، ئمڕوو جومعە، خەوەردا لە کەفتن دوو موشەک کاتیوشا نزیک سەربازگەی حەشد شەعبی لە باکوور خوەرهەڵات پارێزگاگە.
سەرچەوەگە وە ئاژانس شەفەق نیوز وت، موشەکەیل کاتیوشا لە ساعاتەیل دیر دویەشەو کەفتیەسە نزیک سەربازگەیگ سەر وە حەشد شەعبی هیزەیل لیوای 24 لە ناحیەی مەنسوریە 45کم لە باکوور خوەرهەڵات بەعقوبە وەبی ئەوەی هویچ زەرەدیگ لەدویای بوود.
سەرچەوەگە ئاشکەرایکرد، موشەکەگە لەبان کویەیگ تەقەنریایە ک کەفێدە ئاوای " سەێد بەهلول" لە زنجیرە کویەی حەمرین ، لە ئۆپراسیۆنیگ وشکنین وەلایەن هیزەیل حەشد دەسوەپی کردیە ئەرا پەیاکردن ئەنجامدەریل پەلامارەگە.
