فڕۆکەیل جەنگی و بیفڕۆکەوان ئەرا مقیەتیکردن تاوەرەیل کارەبا لە سەڵاحەدین
عەزام کامل توێسان وەڕیەوبەر ناحیەی سینیە سەروە قەزای بێجی لە پارێزگای سەڵاحەدین ئەرا ئاژانس شەفەق نیوز وت: تاوەرەیل وزەی کارەبا لەناوەین ناحیەی سینە و قەزای حەدیسە لە ئەنبار هەس، وە دویری زیاتر لە ٣٠ کێلومەتر لە دەیشت کۆنتڕۆڵ ئەمنی، ک هیلێد بکەفنە وەر پەلامار گرووپەیل تیرۆری و خراوەکاری.
توێسان دیاری کرد ک دەسەڵاتەیل ئەمنی بپلانەیلیگ ئەمنی دانان ئەرا وەکارهاوردن فڕۆکەیل جەنگی و بیفڕۆکەوان ئەرا مقیەتیکردن تاوەرەیل لە ناوچە چووڵەیل دەیشت کۆنتڕۆڵ ئەمنی، دویای توومارکردن دوو رویداو پەلامارداین تاوەرەیل وزە ناوەین سەڵاحەدین و قەزای حەدیسە لە ئەنبار.
وتیش؛ پلان تیرۆری ئەرا پەلامارداین تاوەرەیل کارەبا هەس، ک چووڵایی ئەمنی و بەرزەوبوین پلەی گەرمی و قەیران کارەبا وەکار تیەرێد تا پلانەیل تاوانی جیوەجی بکەن.
توێسان وتیش؛ دویر نییە دەس کەسەیلیگ لەناوی بوو کە سوود لە ویرانکردن تاوەرەیل کارەبا دیرن تا لەبان ژیان خەڵکەکە سوودمەن بوون.
وتیش؛ دەسنریا بان ١٦ بومب لەز ناوچەیل چووڵە.
لە ماوەی ٧٢ ساعەت گوزەشتە، زنجیرەی پەلامارداین تاوەرەیل وزە لە سەڵاحەدین گلەو خوارد، وەگەرد ویرانبوین سیستەم نیشتمانی کارەبا و بەرزەوبوین پلەی گەرمی.
