فەرماندە هاوبەشەگان راگەینێد سەرکەفتن ئۆپراسیۆنە سەربازیەگە ئەرا گیرهاوردن چەک لە بەسرە

فەرماندە هاوبەشەگان راگەینێد سەرکەفتن ئۆپراسیۆنە سەربازیەگە ئەرا گیرهاوردن چەک لە بەسرە
2020-09-05T12:54:39+00:00
شەفەق نیوز/ فەرماندەی ئۆپراسیۆنە هاوبەشەگان، راگەیان ئەنجام هەڵمەتە سەربازیەگە ک شەفەق ئمڕوو دەسکردەپی، ئەرا گیرهاوردن چەک لە بەسرە، ودووپاتکرد هیچ ئاسانکارییگ وەگەرد هەوڵدان ئاژاوە لە ئەمن نیە. فەرماندەگە لە بەیاننامەیگ رەسیە ئاژانس شەفەق نیوز وت: فەرماندەی ئۆپراسیۆنەگان بەسرە و کەرتەگانی، شەفەق ئمڕوو دەسکردنە هەڵمەتیگ ئەمنی ئەرا و وەشکین ژمارەیگ لە ناوچەگان پارێزگاگە وەئامانج بتەوکردن ئەمن وئارامی و گردن داواکریایەگان و بردن چەکە بی مووڵەتەگان، ک لە دوو تەوەر بوی، تەوەر باکووری لەلایەن لیوای پیادەی ئامێری سیوشەشەم ووەڕێوبەرایەتی پۆلیس بەسرە ئەرا وەشکین ناوچەیل (مدەینە- قوڕنە -مودیر- ماجدیە، گرمە)، و تەوەر باشووری لە ری فەرماندەی هێز دەریایی و فەرماندەی پاسەوان سنور ناوچە چوارم و لیوای مغاویر سێیەم فیڕقەی موغاویر/١٩ ئەرا وەشکین ناوچەیل (فاو – سەفوان- جەبەل سەلام- خەرایج- جریشان). وتیش؛ لە هەڵمەتەگە ١٠ داواکریاگ گریان وەگەرەی مادەیل یاسایی، و ٣ کیسە دینەو لە پێکهاتەی سی فۆڕ وەگەرد تی ئێن تی ، و بەلەمیگ و ١٢ گڕام لە مادە هوشبەرەگان، و دوو بی کەی سی و٧ تفەنگ کلاشینکۆف وسێیان لە جین جی سی و تفەنگ قەناسی وەگەرد دوربین و قازیفە و دەوانچە، وهەمیش عەتاد ١٢ ملیم، وچەن چەکەیلیگ تر. وئاماژەدا لە رەوانەکردن گریاگەیل ئەرا لایەنە پەیوەندیدارەگان ئەرا تەواوکردن باوەتە لێکۆڵینەوەگەیان، و هەمیش پێکهاتەگان ک دەسنریا بانیان.
Shafaq Live
Shafaq Live