عراق وە ماوەی شەش مانگ زیاتر لە ١٣ هەزار رویداو ئاگر توومار کەێد
شەفەق نیوز/ وەڕێەوبەرایەتی وەرگری شارستانی، ئمڕوو شەممە، ئامار رویداوەیل ئاگر لە نیم یەکەم ساڵ ٢٠٢٢ راگەیان، و وت: عراق زیاتر لە ١٣ هەزار رویداو ئاگر وە ماوەی یەکەم شەش مانگ لەی ساڵە توومار کردیە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: وەڕێەوبەرایەتی وەرگری شارستانی هەژمار شمارەی ئەو رویداوەیلە کرد ک لە گشت پارێزگایل عراق بیجگە هەرێم کوردستان لەلایەن تیمەیل وەرگری شارستانی وە ماوەی شەش مانگ گوزەشتە کپەو کریانە، ک کەرت حکومەتی وتیکڵا وتایبەت گردەو.
وتیش: بڕ ئەو ئاگرەیلە رەسیە ١٣،٦٠٠ سێانزە هەزار وشەسەت رویداو ئاگر وە ماوەی یەکەم شەش مانگ لە ساڵ ٢٠٢٢، و بەغداد لە نوای ئەو پارێزگایل بوی لە شمارەی ئەو رویداوەیلە ک توومار کریانە،
لە خود چینەگە، وەڕێەوبەرایەتی وەرگری شارستانی ئامار ئەو زەرەدەیلە ک وە رویداوەیل ئاگر ئاشکرا کرد ک رەسێدە سەد وپەنج ملیار دینار.
