عراق وە ماوەی 5 ساڵ 1898 زەویلەرزە توومار کەێد.. لەی شوینەیلە
شەفەق نیوز/ دەسەی کەشناسی و زەویلەرزەناسی عراق، ئمڕوو سێشەممە، توومارکردن 1898 زەویلەرزە لە ساڵ 2020 تا ساڵ 2025 راگەیان.
دەسەگە لە بەیاننامەیگ رەسیە ئاژانس شەفەق نیوز وت: بەش زەویلەرزەناسی نەخشەی گورجی زەویلەرزەی عراق ئەرا پەنج ساڵ بڵاو کرد لە ساڵ 2020 تا ساڵ 2025.
دیاری کرد کە لەرزەیل لەبان سنوور باکوور و باکوور خوەرهەڵات وڵات بویە وە درویژایی زاگرۆس کە زەنگ لەناوی هەس، کە لە ناوچەیل هەرێم کوردستان و پارێزگایەیل کەرکوک و موسڵ و دیالە و واست و میسان وە یەک پلە لەو پارێزگایایل بەرزترە.
دیاری کرد کە لەس ماوەی 1898 زەویلەرزە توومار کریاس.
لە 3ی شوبات دەسەی کەشناسی و زەویلەرزەناسی راگەیان کە لە ماوەی مانگ کانوون دویەم گوزەشتە 62 زەویلەرزە توومار کریاس، و دووپات کرد کە تونی لەرزەیل لە یەک پلە تا پەنج پلە بویە.
راپۆرتیگ لە دەسەگە رەسیە ئاژانس شەفەق نیوز وت: لە مانگ کانوون دویەم 2025، 92 زەویلەرزە لە عراق و دەوڵەتەیل هاوسای توومار کریاس، لەلییان 62 لەناو عراق بەشەو بوینە بان دیالە و هەولێر و سلێمانی و نەینەوا و میسان و کەرکوک و دهۆك.
وتیش: قەزای خانەقین بویە خاوەن بەشە فرەگە لە شمارەی زەویلەرزەیل، و دیاری کرد کە 22 زەویلەرزە لەناو ئیران و8 لەناو تورکیا توومار کریاس.
وەگورەی راپۆرتەگە، تونی زەویلەرزەیل لەماوەی (1-5) پلە بویە، وەقویلی ناوەین 4 و 38 کم.
عەلی عەبدولخالق وەڕیەوبەر بەش زەویلەرزەناسی ئەرا ئاژانس شەفەق نیوز وت: سێسویکەی هەڵەبجە و کەلار و خانەقین گورجەو بویە، مەیلی توومارکردن زەویلەرزەیگ تون لە هەڵەبجە لە هەرێم کوردستان لە ساڵ 2017 کە زەنگەیل ژیڕ زەوی جویلان، و لەوەر ئەوە زەویلەرزە لە ناوچەگە گورجەو بوی.
