عراق و سوريا ده‌روازه‌يگ مه‌رزێ واز ئه‌كه‌ن
2019-07-21T10:06:19+00:00
شه‌فه‌ق نيوز/ سه‌رچه‌وه‌يگ وه‌رپرس له باڵيۆزخانه‌ى عراقى له ديمه‌شق، ئه‌وه ده‌رخست ك هه‌ردوگ حكومه‌ت سورياو عراق ره‌سينه‌سه قۆناغيگ پيشكه‌فتگ له‌باره‌ى وازكردن ده‌روازه‌ى مه‌رزێ ئه‌لبوكه‌مال له‌ناونى هه‌ردوگ وڵات.
ئه‌و سه‌رچه‌وه وه تونى ئه‌و هه‌واڵه‌يليشه خسته دروو له‌باره‌ى گفتگووه‌يل ناونى حكومه‌ت عراقى و هيزه‌يل سورياى ديموكرات ئه‌را وازكردن ده‌روازه‌يگ تازه له‌ناونى عراق و سوريا له كۆمه‌ڵه‌ى خان سوه‌ر له ناحيه‌ى ئه‌لشمال له قه‌زاى شه‌نگاڵ.
سه‌رچه‌وه‌گه جه‌خت له‌وه كرد هه‌ردوگ حكومه‌ت عراقى و سوورى هه‌وڵ وازكردن ده‌روازه‌ى مه‌رزێ ئه‌لبوكه‌مال ئه‌يه‌ن و كاريش له‌باوه‌ته‌و وه‌رده‌وامه و هه‌ردوگلايان ره‌سينه‌سه قۆناغه‌يليگ پيشكه‌فتگ ئه‌را وازكردنى.
