عراق پەیمانەییگ تر لە گەندەڵی توومارکرد

شەفەق نیوز/ رێکخریاگ  پەیجووریی ناودەوڵەتی ئاشكەرایكرد عراق لە پلەی 157  لە مابەێن وڵاتەیل لە رۊی  گەندەڵی وەدەسهاورد. 

رێكخراویاگ پەیجووریی ناودەوڵەتی “شەفافییەت”، ئامار پەیجووری و دەسپاكی و وەگیژداچگن گەندەڵی لە وڵاتەیل ئەرا ساڵ 2021 بڵاوكرد، ئامارەگە 180 وڵات گرێدەو و عراق هالە  رزبەنی 157. 

وڵاتەیل یەكێتیی ئەوروپا و بەریتانیا و ئەمریكا لەرۊی پەیجووری و دەسپاكی هانە ئاستیگ بەرز و ڕێكخریاگە ئۊشێد، لەو وڵاتەیلە ئازادییە شارستانییەیلە لەناوی پارێزیاگە، ئاست دەسپاكی لەناویان بەرزە، وە پێچەوانەی ئەو وڵاتەیلە ئازادییە شارستانیەیلە پێشلکەن، هانە ئاست نزمتریگ لە دەسپاكی. 

وەگورەی ئامارەگەی رێکخریاگ پەیجووریی ناودەوڵەتی، وڵاتەیل خەرهەڵات ناوەڕاس و باكوور ئەفریقا لەوەر دەسگردن كەمینەیگ وەهێز وەبان سیاسەت و كەرتەیل تایبەت و سەپانن كۆت و بەن وەبان ئازادییەیلە، وەرەونواچگن لە مژار پەیجووری وەخوەی نەیە. 

دیاریکرد، 131 وڵات لەجەم 180 وڵات لە 10 ساڵ گوزەشتە هۊچ وەرەونواچگن لە رۊیوەرۊبۊین گەندەڵی نەۊیە.  

پەیجووریی ناودەوڵەتی ئاشكەراكرد، لەناو ئەو 180 وڵاتە عراق پلەی 157 دیرێد لە وەگژچگن گەندەڵی، وەجوریگ لە وڵاتەیل عەرەبی تەنیا سودان، لیبیا، یەمەن، سۆماڵ، سوریا و باشوور سودان لەدۊیای عراق تێن.