عراقییەیل دویەم گەپترین بسینە بیانیین ئەرا سەنین ماڵ لە تورکیا لە مانگ ئەیلوول وە 166 ماڵ

شەفەق نیوز - ئەنقەرە

دەسەی ئامار تورکیا، ئمڕوو شەممە، داتایەیل نوویگ ئاشکرا کرد نیشان دا هاووڵاتییەیل عراقی کەفتنەسە پلەی دویەم لەناوەین وڵاتەیل بیانی کە زیاترین ماڵ لە تورکیا سەننە لە ماوەی مانگ ئەیلوول/سێپتەمبەر، وە بڕ 166 ماڵ، بێجگە لە 8 موڵک بازرگانی، بەپای خشتەی فرووشتنەیل ئەرا بیانییەیل بەپای رەگەزنامە.

بەپای داتایەیل کە ئاژانس شەفەق نیوز ئیسفاکرد، عراقییەیل لە پلەی دویەم لەناوەین بیانییەیل هاتنە ئەرا سەنین ماڵ لە تورکیا لە ماوەی مانگ ئەیلوول/سێپتەمبەر 2026، دویای سەنین 166 ماڵ، تا بکەفنە دویای هاووڵاتییەیل رووسی ک لە بان لیستەگە بوین وە 388 ماڵ، لە وەختیگ ئەڵمانییەیل لە پلەی سێیەم هاتن وە 162 ماڵ.

هەمیش، هاووڵاتییەیل ئیرانی 159 ماڵ، و ئۆکرانییەیل 158 ماڵ، و چینییەیل 124 ماڵ سەننە.

بەپای داتایەیل، فروشتن ماڵ ئەرا بیانییەیل لە تورکیا وە رێژەی 9.9% لە ماوەی ئەیلوول بەرز بویەو وە بەراورد وە هەمان مانگ لە ساڵ گووزشتە، تا بڕەسێدە 2167 ماڵ، کە 1.5% لە گشت فرۆشتن ماڵەیل لە وڵاتەگە گرێدەو.