عراق لە یەدەک تەڵا لە رزبەن وڵاتەیل عەرەبی ها لە ئاست چوارەم
2023-12-27T12:56:45+00:00
شەفەق نیوز/ لە ساڵ 2023 لەوەر ئەوئاڵنکاریەیلە لە جەهان رویدایە، فرەگ لە وڵاتەیل تەقەڵا دانە یەدەگ تەڵایان زیایبکەن، وەی مدووەش وەردەوام نرخەگەی لە بەرزەوبوینە.
وەپای ئامارەیل ئەنجومەن تەڵای جەهانی لە رزبەن ئەو وڵاتەیلە فرەترین یەدەگ تەڵا دیرن، وڵاتە یەکگرتگەیل ئەمریکا هانە پلەی یەکەم وە بڕ 8133.5 تۆن تەڵای یەدەگ، ئەڵمانیا 3352.6 تەن تەڵا و پلەی دویەم گردیە، لەدویای ئەوانیش ئیتاڵیا تێد وە بڕ 2451.8 یەدەگ تەڵا.
لە رزبەن وڵاتە عەرەبیەیل وەڵات سعودیە وە پلەی یەکەم دیرێد وە بڕ 323.1 تەن تەڵا، وە پلەی دویەم لوبنان وە بڕ 286.8 تەن، جەزائیر وە پلەی سێیەم تێد وە 173.6 تەن تەڵای یەدەگ.
ئەنجومەنەگە ئاشکەرایکردیە، عراق ها لە پلەی چوارەم وڵاتە عەرەبیەیل و 132.7 تەن یەدەگ تەڵا دیرێد.
