عراق كەمترین رێژەی تووشهاتنەگانی وە کۆڕۆنا تۆمار کەێد

عراق كەمترین رێژەی تووشهاتنەگانی وە کۆڕۆنا تۆمار کەێد
2020-12-26T13:17:17+00:00

شەفەق نیوز/ وەزارت تەندروسی وژینگەی عراق، ئمڕوو شەممە، راگەیان تۆمارکردن کەمترین ژمارەی تووشهاتنەگان وە ڤایڕۆس کۆڕۆنا لە چەن مانگ گوزەیشتەو.

وەزارەتەگە لە بەیاننامەی کوڵیگ رەسیە ئاژانس شەفەق نیوز وت: عراق کەمترین ژمارەی تووشهاتنەگان وە ڤایڕۆس کۆڕۆنا لە ماوەی چەن مانگیگ گوزەیشتە تۆمار کرد، و دیاریکرد ک ژمارەی تووشهاتنەگان لەماوەی ٢٤ ساعەت گوزەیشتە کەمتر لە یەک هەزار تووشهاتن بوی.

وەزارەتەگە دیاریکرد ک ژمارەی تووشهاتنەگان ئمڕوو شەممە رەسیە ٨٣٦ تووشهاتن، و ژمارەی خاسەوبویەگان ١٣٩٠ کەس بوی، و ژمارەی مردنەگان ١٢ بوی.

وەگورەی بەیاننامەی وەزارەتەگە گشت ژمارەی خاسەوبویەگان رەسیە ٥٣٠٢٦٢، وەرێژەی ٨٩،٨٪ ، و گشت ژمارەی تووشهاتنەگان رەسیە ٥٩٠٧٧٩، و ژمارەی تووشهاتنەگان لە چارەسەری ٤٧٧٥٠، و ژمارەی تووشهاتنەگان لە ژیر چەودیری وورد ١٨٥، و گشت ژمارەی مردنەگان رەسیە ١٢٧٦٧.

Shafaq Live
Shafaq Live