عراق فڕۆکەی هاوکاری خێرایگ ئەرا لوبنان رەوانە کەێد
شەفەق نیوز/ موستەفا کازمی سەرۆک وەزیران، پەیوەندی تەلەفۆنییگ وەگەرد حەسەن دیاب سەرۆک وەزیران لوبنانی کرد. کازمی لە پەیوەندیەگە باس هاوخەمی و سەرەخوەشی و هاوهەستی گشت عراقیەگان وەل گەل لوبنان کرد، دویای تەقینەوەی گەورایگ لە بەندەر شار بەیروت، وبویە هووکار کوشتن زیاتر لە ٧٠ کەس و زەخمداری فرەتر لە ٤٠٠ کەس.
کازمی وەگورەی بەیاننامەی نووسینگەگەی باس ئەرا هاوسەنگە لوبنانیەگەی کرد ک عراق دیرنێکەفێد لە وساننی وەل لوبنان لەی تەنگیە، وحکومەت عراق بڕیاردا لە رەوانەکردن فڕۆکەیگ بارکریاگ وە هاوکاری پزشکی، ئەرا بەشداری وەگەرد لوبنانیەگان وەی تووشیانە.
لەلای خوەییش، سەرۆک لوبنانی سۆپاس لە کازمی کرد وئەرزشدار هەڵوێست عراقیەگان کرد ک هەمیشە ئەرا بەرژەوەنی لوبنان و گەلەگەی تیەێد، وپەیوەندیە مێژوویەگە ناوبەین هەردوگ وڵاتەگە.
دویەکە سێشەممە، تەقینەوەی فرە توندیگ دالە بەندەر بەیروت لە دەورگرد شارەگە دەنگدارەو، و روی بیناگان رمان.
