عراق راگەینێد چارەسەرکردن ١٥ هەزار تووشهاتگ کۆڕۆنا وە پلازمای خوین
2020-08-24T16:19:04+00:00
شەفەق نیوز/ وەزارەت تەندروسی وژینگە، ئمڕوو دووشەممە، راگەیان چارەسەرکردن ١٥ هەزار تووشهاتگ کۆرۆنا لە ری پلازمای خوین لەوەخت بڵاوبوین پەتاگە لە وڵاتەگە تا ئیسە.
وەگورەی وەزارەتەگە ک ئی ئامارە بڵاوکرد، چارەسەرکردن وە پلازما سەرکەفتن گەورایگ وەخوەی دی.
هەنای مەردم تووش کۆڤید -١٩ تیەن یا هەر ڤایڕۆسیگ تر، ئامێر وەرگری لەشەیل دژایەتی ڤایڕۆسەگە دروس کەێد، وەگەرد وەختەو، لەشە وەرگریەگان زیایەوبوون، ک ناسریەێد وە پلازما، ک پێکهاتەیگە لەناو خوین.
چارەسەرکردن وەپلازما نوو نیە، ک ئیمێل فۆن بیهڕنگ پسپۆڕ ئەڵمانی لە کارەیل ئەندامەیل لەش خەڵات نۆبل لە ساڵ ١٩٠١ وەرگرد، ئەرا وەکارهاوردن پلازمای خوین خاسەوبویەگان لە بیماری دەفتریا، وهەمیش ئی شیوە ئەرا ئینفلاوەنزای ئیسپانی لە ساڵ ١٩١٨ وەکارهاورد
