عراق دراتنی لە شەپۆل سێیەم کۆڕۆنا راگەینێد و رخی لە چوارەم چوود
شەفەق نیوز/ وەزارت تەندروسی وژینگەی عراق، ئمڕوو شەممە، راگەیان وڵاتەگەی لە شەپۆل سێیەم کۆڕۆنا درات، ئەوەیش دویای تۆمارکردن داوەزین گەورەیگ لە تووشهاتنەیلەی رووژ شەممە، باوجی هووشدارییش لە چگتی وەناو چوارەم شەپۆل پەتاگە کرد.
روبا فەلاح حەسەن، ئەندام تیم تەندروسی راگەیانکار وەزارەت تەندروسی، ئەرا ئاژانس شەفەق نیوز وت: ئی داوەزینە لە تووشهاتنەیلە ک ئمڕوو تۆماری کردیمن ئەوە نییە ک خەمسەردی وە ریکارە مقەیەتیەکان و شلەوبوین لە وەرگردن واکسینەگە بکەیمن، چوینکە ئی داوەزینە بڵگەیگە ئەرا دراتن لە لووتکەی شەپۆل سێیەم.
وتیش؛ شایەت ئەگەر پابەند وە ریکارە مقەیەتیەکان نەویمن بچیمنە ناو شەپۆلیگ چوارەم سەختتر و دڕندە تر، هەکاتی چەن دەوڵەتیگ تر ک شەپۆلیگ سەختتر لە وەرینەگە وەخوەیی دی، دویای خەمسەردی خەڵکەگەی.
وتیش؛ ئەو نییە ک بویشسمن پەتاگە تەواو بوی تا نەڕەسیمنە وەرخودان کۆمەڵایەتی.
ویە ئەرا یەکەم جارە لە چەن مانگیگ گوزەیشتە ک وەزارت تەندروسی وژینگەی عراق داوەزین گەورەیگ لە تووشهاتنەیل ڤایڕۆس کۆڕۆنا تۆمار بکەێد، ک لە ماوەی ٢٤ ساعەت گوزەیشتە ٤ هەزار کەمتر بوی.
و لە هەڵوێست رووژانەی پەتاگە ک رەسیە ئاژانس شەفەق نیوز هات ک شمارەی تووشهاتنەیلەی ئمڕوو رەسیە ٣٩٥٨، وەگەرد ٧٦٥١ خاسەوبوین، و ٨٥ مردن، لە ماوەی ٢٤ ساعەت گوزەیشتە.
