عراق داوەزین گەورایگ لە تووشهاتنەگان ومردنەگان کۆڕۆنا تۆمار کەێد
2021-01-16T14:02:02+00:00
شەفەق نیوز/ وەزارت تەندروسی وژینگەی عراق، ئمڕوو شەممە، راگەیان داوەزین گەورایگ لە ژمارەی تووشهاتنەگان و مردنەگان وە ڤایڕۆس کۆڕۆنا لە هەڵوێست پەتاگە لەماوەی ٢٤ ساعەت گوزەیشتە.
وەزارەتەگە لە هەڵوێست رووژانەی ئمڕوو ک رەسیە ئاژانس شەفەق نیوز وت: ژمارەی تووشهاتنەگان وە ڤایڕۆس کۆڕۆنا رەسیە ٥٩٦ تووشهاتن، و ئاماژە کرد ک ژمارەی مردنەگان تەنیا سێ کەس بوین.
وەگورەی وەزارەتەگە، گشت ژمارەی خاسەوبویەگان رەسیە ٥٦٧٨٩٨ وەرێژەی ٩٣،٥٪ ، و گشت ژمارەی تووشهاتنەگان رەسیە ٦٠٧٥٨٧، و ژمارەی تووشهاتنەگان لە چارەسەری بویە ٢٦٧٥٤، و ژمارەی تووشهاتنەگان لە ژیر چەودیری وورد ١٣٤، و گشت ژمارەی مردنەگان رەسیە ١٢٩٣٥.
