عراق دابینکردن ٨ مەلیۆن تاقەبەش واکسین دژوە کۆڕۆنا مسۆکەرکەێد

عراق دابینکردن ٨ مەلیۆن تاقەبەش واکسین دژوە کۆڕۆنا مسۆکەرکەێد
2020-09-28T07:01:55+00:00
وەزارت تەندروسی وژینگەی عراق، ئمڕوو دووشەممە، ئاشکرا کرد لە گەرەنتی دابینکردن ٨ مەلیۆن تاقەبەش دووانی دژوە کۆڕۆنا لە چین یەکەم، و ئاماژەکرد ک لەڕی هاوپەیمان ناودەوڵەتی ئەرا واکسین دابین کریەێد.
ریاز حلفی وەڕێۆبەر تەندروسی گشتی لە وەزارت تەندروسی لە وتاریگ میدیا حکومەتیەگان بڵاوی کردن وت: عراق تا ئیسە نەڕەسیەسە لووتکەی تووشهاتنەگان، وهیمان هاناو یەکەم شەپۆل لە پەتاگە.
وتیش؛ وەزارەتەگە ئامادەبوود ئەرا پلانسازی وەرگردن خەسەخانەگان لە فراوان کردن شوون شەوخەفەیل و پێداویستە پزشکیەگان وکادرە تەندروسیەگان ئەرا هەر فریاگوزارییگ، ودیاریکرد ک هەڵوێست پەتاگە رووژ لە دویای رووژ، بەرزەوبوین گەورایگ لە ژمارەیل تووشهاتنەگان رووژانە وەخوەی دوینێد، وهیچ چارەسەرییگ ئەرا ئی کارە نیە، مەگەر وە واکسین، هەرچەنیش چارەسەریە دابینکریایەگە ئیسە خاسە، بەڵکم نوای پەتاگە نێەگرێد.
حلفی دیاریکرد ک گەورای کۆمپانیایل دەرمان جهانی لە گشت دەوڵەتەیل جهان تەقەلایل جیوازیگ کەن ئەرا خستەڕوو واکسینەگان ، ک بەشیگیان رەسیە قۆناغەیل دویاییان، و چەوەڕیکریاگە لە کۆتایی ئی ساڵە یا سەرەتای ساڵ ئایندە تەواو بوود.
وتیش؛ هاوپەیمان ناودەوڵەتی ئەرا واکسین، ١٦٥ دەوڵەت گرێدەو لەلیان عراقە، هەمیش رێکخراو تەندروسی جهانی و یونیسێف وبانک ناودەوڵەتی ورێکخراوەیلیگ تر، وئیسە گریەبەسی کەێد وەگەرد ئەو کۆمپانیانەیلە ک پێشکەفتنە لە بەرهەمکاری واکسینەگە، لەلیان کومپانیای (ئەستڕازینیکا) ک هاوبەش زانکۆی ئۆکسفۆردە، وهەمیش ئەو دوو واکسینە ک کۆمپانیایل (فایزەر) و (مودێڕنا) گەشە وەپی کردنە، وهەمیش پڕوژەیلیگ هاوشیوە هەس لە چین و ڕووسیا.
Shafaq Live
Shafaq Live