عراق پەکخسن دەوام فەرمی رووژ چوارشەممەی ئایندە راگەیان
شەفەق نیوز ـ بەغدا
سەرۆک ئەنجومەن وەزیرەیل، عەلی فالح ئەلزەیدی، ئمڕوو شەممە، بڕیاردا وە پەکخسن دەوام فەرمی لە گشت دامودەزگایەیل حکومەتی، لە رووژ چوارشەممەی ئایندە، رێکەفت 12 ئاب/ ئۆغست 2026، وە بوونەی یاد کووچ دوایی پێغەمبەر موحەمەد، وەپای بەیاننامەیگ لە نویسینگەی گشتی ئەنجومەن وەزیرەیل.
موسڵمانەیل شیعه یاد کووچ دوایی پێغەمبەر موحەمەد، رێکەفت 28 سەفەر وە ساڵنامەی کووچی، وە سەردانکردن مەزار ئیمام عەلی کوڕی ئەبی تالیب لە نەجەف بەرز گرن، لە وەختیگ ملیۆنان کەس رویکەنە ئەو شوونە ئەرا ئەنجامدان رێوڕەسم پرسە و یاد بوونەگە لەناو ئامادەباشی فراوانیگ خزمەتگوزاری و ئاسایش و تەندروستی لە پارێزگاگە.
کووچ دوایی پێغەمبەر موسڵمانەیل موحەمەد کوڕ عەبدوڵڵا لە ساڵ 11 کووچی لە رووژ دوشەممە بوی وەپای فرەیی سەرچەوەیل، باوجی بوچونەیل جیاواز هەس لە دیاریکردن مانگ و سەعاتەگەی.
موسڵمانەیل سوننە لەو باوەڕەن کووچ دویایی پێغەمبەر موحەمەد لە مانگ رەبیع ئەوەلە، لە وەختیگ شیعه لەو باوەڕەن کە لە بیست و هەشت مانگ سەفەر بویە.
