عراق ١١٥٨ تووشهاتن نوو وە کۆڕۆنا وەرانەوەر ١٥ مردن تۆمار کەێد
2020-12-22T13:06:40+00:00
شەفەق نیوز/ وەزارت تەندروسی وژینگەی عراق، ئمڕوو سێشەممە، راگەیان تۆمارکردن ١١٥٨ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە لە گشت ناوچە وشارەگان عراق لە وەردەوامی وەدویاچگن ژمارەی تووشهاتنەگان.
وەیەوە ژمارەی گشت تووشهاتنەگان لە وەخت بڵاوبویتی لە عراق تا ئیسە رەسێدە ٥٨٦٥٠٣ .
وەزارەتەگە لە هەڵوێست رووژانەی پەتاگە وت: ١٧٠٧ تووشهاتگ خاسەوبوین تا ژمارەی خاسەوبویەگان بڕەسێدە ٥٢٤٣٤٤ .
و ئاماژە کرد لە مردن ١٥ تووشهاتگ وە ڤایرۆسەگە تا ژمارەی گشت مردنەگان بوودە ١٢٧٢٥.
