کەشوهەوایل خاسیگ لە دویاترین دانووستانەیل بەغداد- هەولێر

شەفەق نیوز/ فارس عیسا وەرپرس نۆێنەرایەتی حکومەت هەرێم کوردستان لە بەغداد پایتەخت، ئمڕوو چوارشەممە، ئاشکرای دویاترین گەشەیل دانووستانەگان شاند حکومەت هەرێم کوردستان وەگەرد وەرپرسەیل لە حکومەت فیدڕاڵی و پەرلەمان عراق کرد.

عیسا ئەرا ئاژانس شەفەق نیوز وت: کۆبونەوەگان وەردەوامن و هانە گەشوهەوایل خاسیگ، و دووپات کردیمن ک حکومەت هەرێم کوردستان پابەندە وە دەقەگان ک لەباوەت بەش هەرێم کوردستان لە بوودجەی فیدڕاڵی نووسیانە، و لەبان داواکاری پەرلەمانتارەیل دەسەی دارایی.

و دیاری کرد ک گشت بەیاننامەگان دریانە دەس دەسەی دارایی و ئەو لایەنەگان تر، و ووردەکاریەیل داهاتە نەفتیەگان و نا نەفتیەگان خستبمنە وەردەس، و هەمیش دووپات کردیمن ک چەودیریکردن دارایی ئامادەس ئەرا هاوکاری و هەماهەنگی لەلایەن چەودیریکردن فیدڕاڵی.