شه‌نگاڵ دوياى به‌تاڵبوينى له "كۆرۆنا" قه‌يه‌غه‌ى هاتوچوو لاورد
2020-04-29T20:20:46+00:00
شه‌فه‌ق نيوز/ وه‌پرسيگ ناوچه‌يى له قه‌زاى شه‌نگاڵ له خوه‌رئاواى پاريزگاى نه‌ينه‌وا، ئاشكراى هاتنه‌وه‌ى ژيان ئاسايى و كردنه‌وه‌ى بازاڕه‌يل قه‌زاگه‌و ناحيه‌يلى كرد دوياى لاوردن قه‌يه‌غه‌ى هاتوچوو ئه‌را روێ وه‌روێ بوينه‌وه‌ى په‌تاى كۆرۆنا.
له‌ى باوه‌ته‌و، خديدا جوقى وه‌ڕيه‌وبه‌ر ناحيه‌ى سنونى له باكوور قه‌زاى شه‌نگاڵ له باسيگ ئه‌را شه‌فه‌ق نيوز وت: ژيان ئاسايى خه‌ريگه ئه‌ياده‌و له بازاڕ و جاده‌يل قه‌زاى شه‌نگاڵ و ناحيه‌يلى دوياى لاوردن قه‌يه‌غه‌ى هاتوچوو.
وه‌ڕيه‌وبه‌ر ناحيه‌ى ناوبرياێ باس له‌وه‌يش كرد شانه‌ى قه‌يران بڕيار لاوردن قه‌يه‌غه‌ى هاتوچوو له‌بان شه‌نگاڵ داگه‌و له ئه‌نجام ئه‌وه‌يش ژيان ئاسايى ئه‌را قه‌زاگه هاته‌سه‌و، وه‌لێ وه‌گووره‌ى مه‌رجه‌يليگ ته‌ندروستى، ئه‌ويش دوياى جه‌ختكردن له به‌تاڵبوين قه‌زاگه له ڤايرۆس كۆرۆنا.
