کەشناسیگ مەزەنەکەێد ئی وەرزەگە "گەرمترین تاوسان" بوود لە عراق
شەفەق نیوز/ روانگەی "عراق سەوز" ئمڕوو سێشەممە، مەزەنەکرد وەرز تاوسان ئایندە بەرزترین پلەی گەرمی توومارکەێد وەچەو ساڵەیل گوزەشتە لە عراق.
ئەندامیگ لە روانگەگە عومەر عەبدولەتیف ئمڕوو لە بەیاننامەیگ راگەیان، لە مانگ رەمەزان پلەی گەرمی دەسکەێدە بەرزەوبوین، و تا مانگ ئایار و حوزەیران وەردەوامبوود، تا رەسێدە بەرزترین ئاستی لە رووژەیل سەرەتای مانگ تەموز و ئاب.
وتیش ئێ بەرزەوبوینە پەیوەنی وە ئاڵشتبوین کەشوهەوا دیرێد لەبان ئاست وڵاتەگە، تا ئیسە چارەسەر نەکریاس، دیاریکرد داوەزیان رێژەی ئاو لە ناوچەیل باکوور و باشوور پرۆسەیل دار بڕین پشتگووش خستن قەرەبووکردنی لەشوینەیل ترەک جویر ئەوەگ لە نویسین فەرمی دادمودەزگایەیل حکومی ئەرا ئەو کۆمپانیایەیلە خاوەن پرۆژەن.
عەبدولەتیف هۆشداریدا لەوەگ ئەو ریوشوینەیلە ئەرا پاراستن ژینگە لە ئاڵشتبوین کەشوهەوا گیریانەسەوەر هێمانگ فرە یەواشن وەلایەن لایەنەیل پەیوەنیدار، داواکەێد بایەت زوی ریوشوینیگ بگرێدەوەر، کە بتوەنن ژینگە لەو چشتەیلە قورتاربکەن کە لە قۆناغەیل ئایندە هاتێ بڕەسێد وەپی.
وەپای وڵاتە یەکگرتگەیل عراق هاناوەین ئەو پەنج وڵاتەس کە فرەترین زەرد بەریکەفتیە لە ئەنجام ئاڵشتبوین کەشوهەوا.
