کەشناسی عراق لەی چوار رووژ بانانە
شەفەق نیوز/ دەسەی کەشناسی عراق، ئمڕوو جمعە، مەزەنەی وەردەوامی واران کرد تا رووژ سێشەممەی ئایندە.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو شەممە، لە ناوچەی ناوڕاس و باشوور رووشنە تا نیمچە ئەورە، دویای نیمەڕو بوودە ئەور تەواو و واران لە ناوچەیلیگ جیاجیا وارێد، و لە ناوچەی باکوور ئەور و وارانە، پلەی گەرمی لە ناوچەی ناوڕاس و باکوور چەن پلەیگ نزمەو بوود، و لە ناوچەی باشوور کەمیگ بەرزەو بوود.
دیاری کرد کە کە لە رووژ یەکشەممەی ئایندە، وەگشتی نیمچە ئەورە تا ئەو تەواویگە وەگەرد وارانەیل جیاجیا لە ناوچەی ناوڕاس و باکوور، و پلەی گەرمی لە ناوچەی ناوڕاس کەمیگ نزمەو بوود، و لە ناوچەی باکوور و باشوور جویر خولی مینێد.
وتیش: رووژ دووشەممە، لە گشت ناوچەیل وڵاتەگە نیمچە ئەورە تا ئەور تەواوە، وەگەرد پرزە وارانیگ لە شوینەیلیگ جیاجیا، و پلەی گەرمی لە ناوچەی ناوڕاس و باشوور جویر خوەیە، ت لە ناوچەی باکوور کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ سێشەممەی ئایندە، لە گشت ناوچەیل وڵاتەگە رووشنە تا نیمچە ئەوریگ، وەگەرد دەرفەت پرزە وارانیگ لە ناوچەیلیگ جیاجیا، و پلەی گەرمی وەگشتی بەرزەو بوود.
