کەشناسی عراق.. درویژترین ماوەی واران لەی وەرزە وارێد

شەفەق نیوز/ دەسەی کەشناسی عراق، ئمڕوو دووشەممە، ئاشکرای نشانەیل شەپوول وارانیگ کرد ئەرا درویژترین ماوە لەی وەرز زمسانە.

دەسەگە لە بەیاننامەیگ رەسیە ئاژانس شەفەق نیوز وت: نشانەیل کەشوهەوا، و وینەیل مانگە دەسکردەیل، نشان دەن کە وڵاتەگە کەفێدە کاریگەری درویژترین شەپوول واران لەی زمسانە. 

دیاری کرد کە شەپوول وارانەگە لە پەنجشەممەی ئایندە دەسوەپی کەێد تا رووژ چوارشەممە لە هەفتەی ئایندە، دویای ئەوە واگە وەرەو باشوور خوەرهەڵات روی کەێد، و وارانەگە جیاجاوە کەێد.