شەپوول نوویگ کۆرۆنا روی لە عراق کەێد

شەفەق نیوز/ وەزارەت تەندروسی عراق ئمڕوو سێشەممە، راگەیان، چەن رووژیگە دوارە شمارەی تویشهاتنەیل وە ڤایرۆس کۆرۆنا روی لە زیادبوین کردیە. 

وەزارەتەگە ئمڕوو لە بەیاننامیگ راگەیان، چەن رووژیگە جاریگتر شمارەی توشبویەیل کرۆنا زیادکردیە، وەرجە ئەوە رێکخریاگ تەندروسی جەهانی هوشداری دایە، و  هووکار بەرزەوبوین ئامار تویشهاتنەیل گلەو دەێد ئەرا کەمتەرخەمی هاوڵاتیەیل لە وەرنەگردن ڤاکسین دژە کورۆنا.  

وەزارەتەگە باس لەوە کردیە، تویژینەوەیل زانستی دووپات کەن لە بەرزەوبوین شمارەی تویشهاتن وە کۆرۆنا لە ناو ئەو کەسەیلە توومار کریایە ک ڤاکسین دژە کۆرۆنا وەرنەگردنە.