شەنگال.. وەکارکەفتن بارەگای پۆلیس فیدڕاڵی و کیشانەوەی دوو فەوج لە سوپا

شەفەق نیوز/ سەرچەوەیگ ئەمنی خەوەردا ک شاندیگ پایەبەرز لە بەغداد ئمڕوو چوارشەممە رەسیە قەزای شەنگال ئەرا وەکارخستن بارەگایگ پۆلیس فیدڕاڵی لەولا، و ئەوەیش لە تەقەلایل جیوەجیکردن رێککەفتنەگەی ناوبەین حکومەت فیدڕاڵی و هەرێم کوردستان، و ئاماژە کرد لە کیشانەوەی دوو فەوج لە سوپا وەرەو پارێزگای سەڵاحەدین.

سەرچەوەگە ئەرا ئاژانس شەفەق نیوز وت: شاندیگ ئەمنی وەسەرۆکایەتی عەبدولئەمیر شمەری جیگر فەرماندەی ئۆپراسیۆنە هاوبەشەگان رەسیە قەزای شەنگال ئەرا کردنەوەی بارەگای فیرقەی شەشەم لە پۆلیس فیدڕاڵی ک لەدەورگرد قەزاکە جیگر بوی لەدویای رەسین دوو لیوا لەی فیڕقە ئەرا گردن پارچە سنووریەگە لە پارێزگای نەینەوا.

هەمیش سەرچەوەگە دیاریکرد ک ئۆپراسیۆنە هاوبەشەگان فەرمان وە کیشانەوەی دوو فەوج لە فیرقەی پیادەی بییس لە قەزای شەنگال وەرەو پارێزگای سەڵاحەدین دەرکرد.