شۆرت کارەبایی کراکاریگ لە زیندان "حوت" کوشێد
2023-02-02T08:47:23+00:00
شەفەق نیوز/ سەرچەوەیگ ئەمنی لە زیقار باشوور عراق، ئمڕوو پەنجشەممە، خەوەردا لە مردن کراکاریگ پاکەوکردن لەناو یەکیگ لە زیندانەیل ناوەندی لە پارێزگاگە.
سەرچەوەگە وە ئاژانس شەفەق نیوز وت،" کراکار پاکەوکەرەوەگە تەمنی سی ساڵانە لەئەنجام شۆرتیگ کارەبایی لەناو زیندان ناوەندی ناسریە "حوت" گیان لە دەسدایە.
سەرچەوەگە وتیش، "هێزەیل ئەمنی تەرمەگە ئەرا پزیشک دادوەری کلکردنە، ئەرا تەواوکردن رێکارەیل یاسایی ".
