سيماي هشكەوکردن باخەیل خانەقین فراوانەو بوود

سيماي هشكەوکردن باخەیل خانەقین فراوانەو بوود
2021-08-22T08:46:25+00:00

شەفەق نیوز/ فەرمانگەی کشتوکاڵی خانەقین، ئمڕوو یەکشەممە، راگەیان ئامار ئەو باخەیلە ک کەفتنە وەر هشکەوکردن رەسیە نزیکەی ١٠٠ دۆنەم، و هەمیش ئاشکرای ریکارەیلیگ وەخاتر مقەیەتیکردن باخەیلە و سیمای درەختەیل کرد.

ئیبراهیم خەلیل عەلی وەڕێۆبەر فەرمانگەگە ئەرا ئاژانس شەفەق نیوز وت: فەرمانگەگەی زیاتر لە ٢٥ باوەت هشکەوکردن باخەیلە خستە وەر دەس قایمقامیەتەگە تا ریکارەیل یاساییی وەدژیان بووریەێد.

وتیش؛ وەگەرد ئیدارەی خانەقین باس پێشێلکارەیلە کردیمن و گشت بەیاننامەیلە دەربارەی هشکەوکردن نا یاسایی خستیمنە وەردەس تا ئەو کەسەیلە ک وەرپرسن لەلی بخریەنە دادگایلە، و باس هەماهەنگی وەردەوام وەگەرد شارەوانی خانەقین کرد ئەرا چەودیریکردن ئەو هشکەوکردنە و دەستدرێژی لەبان باخەیلە.

و دووپات کرد ک ٨٩٪ لە باخەیل ناوڕاس خانەقین فوتیانە چوینکە کەفتنە وەر هشگەوکردن و دەسدریژی نایاسایی، وتیش؛ چەن کۆڕ و سیمیناریگ رینمایی و هووشیاری خەسیگ کریا وەخاتر نواگردن هشکەوکردن باخەیلە ئەرا مقەیەتیکردن سیمای درەختەیل.

Shafaq Live
Shafaq Live