سودانی وەڵام ئیسرائیل دەێد لەباوەت وەشیان مووشەک و دڕۆن لە زەوی عراقەو
2024-04-17T05:28:55+00:00
شەفەق نیوز/ محمد شیاع سودانی سەرۆک وەزیرەیل عراق، وەشیان مووشەک یا فڕۆکەی بێفڕۆکەوان لە وڵاتەگەیەو لە پەلامارەگەی ئیران لەبان ئیسرائیل رەت کرد.
ئیسرائیل وتوێد بەشیگ لە مووشەکەیل ڕبرانب لە عراقەو وەشیاس، لەناو ئەو پەلامارە کە لە شەممەی گوزەشتە ئیران جیوەجیی کرد.
سودانی لە دیداریگ وەگەرد تووڕ "CNN" وت: لەو ڕاپۆرتەیل سەربازیە کە وەپیمان رەسیە نەچەسپیاس کە هویچ مووشەکیگ یا فڕۆکەی بێفڕۆکەوان لە عراقەو وەشیاس.
