سودانی سەرۆک دەسەڵات فڕۆکەوانی شارستانی عراق و وەڕیەوبەر فڕۆکەخانەی ناودەوڵەتی بەغدا لەپۆستیان دەرکەێد
شەفەق نیوز/ سەرچەوەیگ حکومەتی ئاگادار، ئمڕوو پەنجشەممە، خەوەردا ک محمد شياع سودانی سەرۆک وەزیرەیل، بڕیاردا نائیل سەعەد سەرۆک دەسەڵات فڕۆکەوانی مەدەنی عراق، و عەلی تەقی وەڕیەوبەر فڕۆکەخانەی ناودەوڵەتی بەغدا لە پۆستیان دەربکەێد.
سەرچەوەگە ئەرا ئاژانس شەفەق نیوز وت: سودانه لەبان هیزگردن ئەو دوو ئاگرە ک لەناو فڕۆکەخانەی ناودەوڵەتی بەغداد ئێ بڕیارە دا.
شەوەکی ئمڕوو، سودانی سەردان فڕۆکەخانەی ناودەوڵەتی بەغدا کرد، و نویسینگەی راگەیاننی لە بەیاننامەی کوڵیگ وت: سەرۆک وەزیرەیل نووڕێدە ریکارەیل لێکۆڵینەوە لەباوەت رویداو ئاگر ناو یەکیگ لە هۆڵەیل فڕۆکەخانەگە.
شەوەکی ئمڕوو، وەڕیەوبەرایەتی وەرگری شارستانی راگەیان؛ ١٥ تیم وەرگری ئافریگ لەناو هۆڵ نەینەوا لە فڕۆکەخانەی ناودەوڵەتی بەغدا کپەو کردن.
شەفەق رووژ پەنجشەممە، ئاگر گەورەیگ لەناو فڕۆکەخانەی ناودەوڵەتی بەغداد هێز گرد، ئەوەیش دویای کەمتر لە ٤٨ ساعەت لە هیزگردن ئاگریگ وەرجەیە.
