سه‌رچه‌وه‌يگ حكومى راسيه‌يل ته‌قينه‌وه‌گه‌ى بنگه‌ى ئاسمانى به‌له‌د ئاشكرا كرد
2019-08-20T19:37:14+00:00
شه‌فه‌ق نيوز/ وه‌ريه‌وبه‌رايه‌تى وه‌رگرى شارستانى، باس له راسپاردن تيميگ كرد ئه‌را كۆنترۆڵكردن روێداگ ئاگركه‌فتنه‌وه له بنگه‌ى ئاسمانى به‌له‌د له باكوور به‌غدا.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را شه‌فه‌ق نيوز وت: ته‌قينه‌وه‌يگ له كۆگايگ ته‌قه‌مه‌نى سه‌ر وه فه‌سيليگ له حه‌شد شه‌عبى له نزيك بنگه‌ى ئاسمانى به‌له‌د روێداگه‌و تيمه‌يلمان هه‌وڵ ئه‌يه‌ن كۆنترۆڵى بكه‌ن.
له‌لايگ تريشه‌و سه‌رچه‌وه‌يليگ ميديايى و شايه‌تحاڵه‌يل باس له به‌رزه‌وبوين دويكه‌ڵ سيه‌ى فراوانيگ كردن له نزيگ بنگه‌ى ئاسمانى به‌له‌د له پاريزگاى سه‌ڵاحه‌دين و له‌باوه‌ت ئه‌و روێداگيشه هه‌واڵه‌يل جياوازن ك ئايا له‌ئه‌نجام بوردمان ئه‌را بان بنگه‌گه بويه يا كه‌فتنه‌وه‌ى ئاگر.
