سه‌رچه‌وه‌يليگ هووكاره‌يل روێ وه‌ڕوێ بوينه‌وه‌ى ناونى ئيران و ئه‌مريكا له عراق ده‌رخستن
شه‌فه‌ق نيوز/ مه‌سه‌له‌ى ئه‌گه‌ره‌يل روێ وه‌ڕوێ بوينه‌وه له عراق له ناونى هيزه‌يل ئه‌مريكا له‌لايگ و فه‌سيله‌يل لايه‌نگر ئيران له‌لايگ تر له‌بان جه‌نگ سه‌ربازى ئه‌را روێ وه‌ڕوێ بوينه‌وه‌ى تازه روێ له زيايبوين كردگه وه‌ل وه‌رده‌وامى راوێژكارى له‌باره‌ى دامه‌زرانن حكومه‌ت تازه له به‌غدا.
له‌ى باوه‌ته‌و، سه‌رچه‌وه‌يليگ دبلۆماسى خوه‌رئاوايى باس له‌وه ئه‌كه‌ن جموجويل سه‌ربازى ئه‌مريكا ئاماژه‌ن ئه‌را وجوود زانياريه‌يليگ له‌بان په‌لامارداين بنگه‌يلى له‌وه‌خيگ ك وه‌رپرسه‌يل ئه‌مريكى له پنتاگۆن پيشنيار پيشكه‌ش كردن ئه‌را په‌لامارداين كه‌تيبه‌يل حزبوڵلاى عراقى سه‌ر وه ئيران.
هه‌ر وه‌گووره‌ى ئه‌و سه‌رچه‌وه‌يله، دو مه‌سه‌له هه‌ن ئه‌را ئه‌گه‌ره‌يل روێ وه‌ڕوێ بوينه‌وه‌ى ناونى ئه‌مريكا و ئيران، يه‌كه‌ميان: بريار تره‌مپ ئه‌را ده‌سوه‌شانن له بريكاره‌يل ئيران، وه‌لێ وه‌بى چگن وه‌ناو جه‌نگ راسه‌وخۆ وه‌ل ئيران، دويه‌ميش شكه‌س ناريه‌ێد وه راوێژكاريه‌يل ئيسه له‌باره‌ى دامه‌زرانن حكومه‌ت.
