سزانن دوکانەیل بازرگانی وەتەقینەوە و مردن و زەخمداری لە دیالە

سزانن دوکانەیل بازرگانی وەتەقینەوە و مردن و زەخمداری لە دیالە
2020-09-16T08:17:27+00:00
شەفەق نیوز/ سەرچەوەیگ خۆجێی وەرپرس لە پارێزگای دیالە، ئمڕوو چوارشەممە، خەوەردا ک تەقەمەنییگ لەیەکیگ لە بازاڕەگان ناحیەی کەنعان تەقیەو، وەبی هیچ زەرەدیگ یا زەخمدارییگ.
مەهدی شەمەری وەڕێۆبەر ناحیەی کەنعان ئەرا ئاژانس شەفەق نیوز وت: دویەشەو تەقەمەنییگ لە یەکیگ لە بازاڕەگان لە گەڕەک خەزڕا لە ناوەند ناحیەگە تەقیەو، ک بویە هووکار سزانن چەن دوکانیگ بازرگانی.
و دووپاتکرد ک رووداوەگە هەیچ زەرەدیگ یا زەخمدارییگ لەلی نەوەیەو، ودەسەڵاتە ئەمنیەگان لێکۆڵینەوەیگ کردنەو ئەرا ئاشکراکردن هووکارەگان و ووردەکاریەگان رووداوەگە.
لەلاییگ تریش؛ سەرچەوەیگ ئەمنی لە دیالە خەوەردا ک کەسیگ مرد و ٥ کەس تر زەخمداربوین لە رووداویگ هاتووچو لە پارێزگاگە.
سەرچەوەگە ئەرا ئاژانس شەفەق نیوز وت: گەنجیگ گیانی لەدەسدا لەوەر لەیەکدان ماتۆڕەگەی وەگەرد ماشینیگ لە ناوچەی جدیدە ئەغەوات لە نزیک خاڵس.
لە رووداویگ تر ٥ مەدەنی زەخمداربوین وە رووداو لەیەکداین ٣ ماشین لە ریەگەی قەزای خاڵس و ناحیەی عزێم لە ناوچەی نای.
Shafaq Live
Shafaq Live