سزای لەسێدارەدان تاوانکاریگ ماشینیگ لەناو ئاهەنگ سویریگ لە ئەنبار تەقانیە

شەفەق نیوز/ دادگای نەهیشتن تاوان ئەنبار، ئمڕوو یەکشەممە، سزای لەسێدارەدان لەبان تاوانکاریگ دەرکرد،  وە تاوان تەقانن ماشینیگ لە شار عامریەی فەلوجە.

ناوەند راگەیانن ئەنجومەن داد باڵا لە بەیاننامەیگ رەسیە ئاژانس شەفەق نیوز وت: دادگای نەهیشتن تاوان ئەنبار فەرمان لەسێدارەدان لەبان تاوانکاریگ دەرکرد، دان و کردەوی خوەی نایە وە تەقانن ماشینیگ لە شار عامریەی فەلوجە، و ئاهەنگیگ سویر کردیەسە ئامانج، بڕیگ لە شەهید و زەخمدارەیل لەلی کەفتیە.

وتیش: سزاگە وەگورەی فەرمان مادەیل چوار/١  وە بەڵگەی مادەی دویەم/٣ و ٧ لە یاسای دژە تیرۆر شمارە ١٣ ئەرا ساڵ ٢٠٠٥ دەرچگ.