سای دادپەروەری.. زیاتر لە 500 توومەتبار لە بەغداد و پارێزگایەیل دەسگیر کریەن
شەفەق نیوز- بەغداد
دەزگای ئاسایش عراقی، رووژ سێشەممە، خەوەردا لە ئەنجامەیل پرۆسەیگ ئەمنی فراوان وە ناو "سای دادپەروەری" وە هەماهەنگی وەگەرد لایەنە دادوەرییەیل، و دووپات کرد کە تا ئیسە بۊسە مدوو دەسگیرکردن زیاتر لە 500 توومەتبار لە بەغداد و شمارەیگ لە پارێزگایەیل.
قسەکەر فەرمی دەزگاگە ئەرشەد حاکم، لە بەیاننامەیگ کە رەسیە ئاژانس شەفەق نیوز، وت، کە پرۆسەگە ئامانج لەلی جیوەجیکردن یاداشتەیل گردن دادوەری وەرین و ئیسەس، و دیاری کرد کە رێکارە ئەمنییەیل ئەرا وەدۊاکەفتن ئەو داواکریاگەیلە کە مەننە وەردەوامن.
حاکم وتیش کە پرۆسەگە وە هەماهەنگی وەگەرد لایەنە دادوەرییەیل جیوەجی کریەێد، و بەغداد و پارێزگایەیل گرێدە خوەی، لە وەختیگ وەدۊاکەفتن داواکریاگەیل و جیوەجیکردن یاداشتەیل گرن وەرانوەریان وەردەوامە.
دەزگاگە لە رووژ 22 ئاب گوزەشتە، خەوەر دا لە نزیکبۊن جیوەجیکردن پرۆسەیگ ئەمنی وە ناو "ساق دادپەروەری" لە بەغداد و شمارەیگ لە پارێزگایەیل.
لە ناونیشانەیل کوڵیگ وەگەرد بڕگەیل ڤیدیۆیی هات، کە ئاژانس شەفەق نیوز چەوی وەپی کەفتگە، کە پرۆسەی "سای دادپەروەری" لەلایەن ئاسایش نیشتمانی لە بەغداد و پارێزگایەیل جیوەجی کریەێد، و ئەوەیش هاوەخت وەگەرد بڵاوکردن تابلۆیەیل لە جادەیل کە دەسەواژەی "سای دادپەروەری" و "لە جیوەجیکردنە" هەڵگرن وەگەرد داوای پەیوەندیکردن وە کڕ گەرم.
لەی چوارچیوە، سەرچەوەیگ ئەمنی، ئەرا ئاژانس شەفەق نیوز وت، کە پرۆسەگە لە رووژ 23ی ئاب گوزەشتە دەسوەپی کریا، و دەسگیرکردن داواکریاگەیل وە دۆسیەیل کوشتن و دزیکردن و تیرۆر و هوشبەرەیل گرێدە خوەی.
