سێیەمین ئاگر لەناو باخەیل سوق شیوخ.. وێنە

شەفەق نیوز/ سەرچەوەیگ ئەمنی لە زیقار، ئمڕوو یەکشەممە، خەوەردا ک ئاگر گەپیگ بویە سێیەمین ئاگر کەفتە ناو باخەیل قەزای سوق شیوخ لە باشوور پارێزگاگە.

سەرچەوەگە ئەرا ئاژانس شەفەق نیوز وت: نیمەڕو ئمڕوو، ئاگر گەپیگ کەفتە ناو یەکیگ لە باخەیل سوق شیوخ لە باشوور ناسریە، و دیاری کرد ک ئاگرەگە دەیان لە دار خورما و دارەیلیگ تر سزان.

سەرچەوەگە دیاری کرد ک یە سێیەمین ئاگرە لە ماوەی چەن ساعەتیگ لە شارەیل زیقار، وتیش؛ ٦ تیم لە وەرگری شارستانی و دووانیش لە ناوەند پارێزگاگە روی وەرەو کپەوکردن ئاگرەگە کردن.

وتیش؛ هووکارەیل ئاگرەگە نادیارن، و یە سێیەم ئاگرە لە پارێزگاگە لە ماوەی ٧٢ ساعەت.