سەرچەوەیگ سیاسی لە دیالە: ئاست بەشداری لە هەڵبژاردن خانەقین لە ٢٠% رەد نەکرد
2021-10-10T10:31:55+00:00
شەفەق نیوز/ وەرپرسیگ سیاسی لە دیالە،ئمڕوو یەکشەممە، باس ئەوە کرد ک ئاست بەشداریکردن لە خانەقین لەناونی ١٨- ٢٠ % بۊی، و فرەیش لە ئامێرەیل دەنگدان کەڤتنە وەر گیچەڵ.
عەباس مەحمود قسەکەر فەرمی هاوپەیمان کوردستانی لە دیالە ئەرا ئاژانس شەفەق نیوز وت: هیمان بەشداریکردن خەڵک خانەقین لە هەڵبژاردنەگە کەمە و مەزەنە کەیمن ئاستەگە لە ساعەتەیل ئایندە زیایەو بوود.
عەباس دووپات کرد ک وەگورەی چەودیریکەرەیل مەیدانی، گیچەڵەیل هونەری لە ئامێرەیل واژوو هەس، ک بۊیە ریگری ئەرا هەڵبژاردنەگە، وتیش؛ تا ئیسە هۊچ پێشێلکردنیگ لە خانەقین توومار نەکریاگە.
وتیش؛ دەرفەت وەرگردن ووردەکاریەیل هەڵبژاردن لە سەعدیە و جەلەولا و قەرەتەپە و جەبارە لەوەر کەمی هەسی سیاسی ئەرا کورد لەو ناوچەیلە نەهاتنە و هایمنە چەوەڕی ئەنجام هەڵبژاردنەگە.
